Jagjit Singh - Tere Khushboo Mein Base Khat

Tere khushboo mein base khat main jalata kaise

Pyaar mein dube huye khat main jalata kaise

Tere haathon ke likhe khat main jalata kaise

Jinko duniya ki nigahon se chhupaye rakha

Jinko ik umr kaleje se lagaye rakha

Din jinko jine imaan banaye rakha

Tere khushboo mein base khat main jalata kaise

Jinka har lafz mujhe yaad tha paani ki tarah

Yaad the mujhako jo paigaamein jubaani ki tarah

Mujhko pyaare the jo anmol nishani ki tarah

Tere khushboo mein base khat main jalata kaise

Tune duniya ki nigaahon se jo bachkar likhe

Saal ha saal mere naam barabar likhe

Kabhi din mein toh kabhi raat ko uthkar likhe

Tere khushboo mein base khat main jalata kaise

Pyaar mein dube huye khat main jalata kaise

Tere haathon ke likhe khat main jalata kaise

Tere khat aaj main ganga mein baha aaya hoon

Tere khat aaj main ganga mein baha aaya hoon

Aag behte huye paani mein laga aaya hoon

Jagjit Singh - Koi Ye Kaise Bataaye

Koi ye kaise bataaye ke wo tanaha kyon hai 

Wo jo apana tha, wahi aur kisi ka kyon hai 

Yahi duniya hai to fir, aisi ye duniya kyon hai 

Yahi hota hai to, akhir yahi hota kyon hai? 

Ek zara haath bada de to, pakad le daaman 

Us ke seene mein sama jaye, hamari dhadkan 

Itni kurbat hai to fir faasla itna kyon hai? 

Dil-e-barbaad se nikla nahin ab tak koi 

Ek lute ghar pe diya karta hai dastak koi 

Aas jo tut gayi hai fir se bandhata kyon hai? 

Tum masarrat ka kaho ya ise gam ka rishta 

Kahte hai pyaar ka rishta hai janam ka rishta 

Hai janam ka jo ye rishta to badalta kyon hai?